Të dashur studentë të Fakultetit Ekonomik,

Me kënaqësi ju informojmë se ligjëratat dhe ushtrimet për Semestrin Dimëror të vitit akademik 2024/2025 do të fillojnë ditën e hënë, më 16 shtator 2024.

Është një nder i veçantë për ne që ju, studentët e rinj të nivelit Bachelor, keni zgjedhur Fakultetin Ekonomik të Universitetit të Prishtinës. Jemi të lumtur t'ju kemi pjesë të këtij rrugëtimi të përbashkët akademik.

 Pritja solemne për studentët e rinjë do të organizohet me një koktej rasti ditën e hënë , më 16 shtator 2024, duke filluar nga ora 13:00, në Amfiteatrin e Madh të Fakultetit Ekonomik.

Fakulteti Ekonomik është krenar për përkushtimin dhe arritjet e studentëve tanë ndër vite, të cilët vazhdojnë të përfaqësojnë vlerat dhe standardet tona më të larta të arsimimit dhe ngritjes së tyre akademike dhe profesionale. Ne jemi të bindur që ky vit akademik do të sjellë mundësi të reja për suksese dhe do të jetë një hap i rëndësishëm në zhvillimin tuaj akademik dhe personal.

Ju urojmë një vit të mbarë akademik dhe shumë suksese në çdo hap të rrugëtimit tuaj!

Të bashkangjitur e keni linkun e orarit për ligjëratat dhe ushtrimet  (kliko këtu)

Me respekt,

Dekani i Fakulteti Ekonomik

Universiteti i Prishtinës