Fakulteti Ekonomik ka organizuar edicionin e pare të panairit të punës me moton “Me ty në qendër”. Stafi i Fakultetit Ekonomik, së bashku me studentët mirëpritën shumë prej kompanive më prestigjioze në Kosovë, të cilat përmes prezantimeve, fletushkave e materialeve tjera i njoftuan studentët për mundësitë e punës dhe i pranuan CV-të e tyre për t’i shqyrtuar për punësim.

Panairi i punës  u organizua për herë të parë në këtë format, me qëllim që komuniteti i biznesit t’u ofrojë studentëve të këtij fakulteti mundësi të ndryshme të avancimit profesional.

 

Studentët patën mundësi të informoheshin për shumë mundësi praktike dhe punësimi të ofruara nga kompanitë pjesëmarrëse. Studentëve të Fakultetit Ekonomik të Universitetit të Prishtinës u janë prezantuar shumë mundësi për punësim dhe pun[ praktike.

Fakulteti Ekonomik është i përkushtuar për t’u ndihmuar studentëve në ndërtim të karrierës së tyre.