Me qëllim të rritjes së bashkëpunimit të ndërsjellë, modifikimit të planprogrameve mësimore, ndërlidhjes së studentëve me tregun e punës si dhe krijimit të projekteve të përbashkëta hulumtuese, më 02.02.2021 u nënshkrua Marrëveshja e Bashkëpunimit midis Fakultetit Ekonomik dhe Odës së Afarizmit të Kosovës (OAK).
Kjo marrëveshje hap rrugë për bashkëpunim profesional në mes të palëve nënshkruese, të cilat u pajtuan që të krijojnë partneritet - me qëllim të shkëmbimit dhe ofrimit të këshillave profesionale për bizneset në fushën e ekonomisë, si dhe studentëve të këtij fakulteti t’u mundësohet të vijojnë praktika profesionale pranë bizneseve anëtare të OAK-së.