Në emër të Institutit për Kërkime Ekonomike, drejtori Prof.dr. Berim Ramosaj dhe sekretari Neshat Podvorica zhvilluan sot, me dt. 10.10.2024, një takim me zëvendësministrin e Ministrisësë Financave, Punës dhe Transfereve, z. Agon Dobruna. Gjatë këtij takimi, u diskutuan mundësitë dhe modalitetet e bashkëpunimit mes Ministrisë dhe Institutit. Në këtë drejtim, në emër të Institutit për Kërkime Ekonomike, u dorëzua një draft i
memorandumit për bashkëpunim ndërmjet institucioneve të lartëcekura.

Njëherit, u diskutua rreth fushave potenciale të bashkëpunimit që mund të kontribuojnë në politikat publike. Një nga pikat kryesore të diskutimit ishte krijimi i mundësive të reja për studentët, duke mbështetur projekte që mundësojnë përfshirjen e tyre në projekte praktike dhe studime kërkimore, për t’u përgatitur për tregun e punës. Palët ranë dakord që në ditët në vijim të rrisin bashkëpunimin dhe të arrijnë të nënshkruajnë memorandumin e bashkëpunimit reciprok. Ky bashkëpunim pritet të sjellë përfitime të ndërsjella, duke forcuar rolin e kërkimeve ekonomike në zhvillimin e politikave publike në vend, ndërsa njëkohësisht mbështet Institutcionet në realizimin e projekteve të tyre hulumtuese.