Në jetën studentore, janë disa përvoja që të lënë gjurmë të pashlyeshme dhe për mua, pjesëmarrja në programin Erasmus+ në Universitetin e Granadës, në Spanjë, është padyshim një prej tyre.

Që nga momenti i parë kur mbërrita në Granada, ndjeva një energji pozitive dhe mikpritëse. Qyteti më mahniti me gjallërinë e tij, kulturën e pasur dhe njerëzit jashtëzakonisht të sjellshëm. Ishte një ndjesi rehatie që më shoqëroi që në ditët e para dhe më bëri të ndihem si në shtëpi, edhe pse larg vendit tim.

Gjatë kësaj kohe, kam krijuar miqësi me studentë nga e gjithë bota, kam ndarë përvoja të ndryshme dhe kam përjetuar një pasuri kulturore që nuk mund të përshkruhet vetëm me fjalë. Çdo ditë ka sjellë diçka të re, një njohje, një sfidë, një kujtim që do të mbetet gjithmonë me mua.

Erasmus+ nuk është thjesht një program studimi jashtë vendit. Është një mundësi për të rritur veten, për të dalë nga zona e rehatisë dhe për të parë botën me një perspektivë të re. Nëse dikush është në mëdyshje nëse duhet të aplikojë, unë e inkurajoj me gjithë zemër: bëjeni!

Është një hap që ndryshon jetën në mënyrën më pozitive të mundshme.

Sepse ndonjëherë, është pikërisht largësia nga e përditshmja që na ndihmon të kuptojmë më mirë vetveten dhe të ndërtojmë rrugën tonë drejt së ardhmes me më shumë guxim, dije dhe mirëkuptim.

Stina Avdiu
Fakulteti i Ekonomisë, drejtimi Marketing