Kryetari i Bordit të Bankës Qendrore të Kosovës, prof. Bashkim Nurboja, mbajti një ligjëratë për studentët e vitit të tretë në Departamentin Banka dhe Financa. Gjatë kësaj ligjerata, ai ndau informacione të vlefshme mbi dinamikat e sistemit financiar dhe sfidat që përballen institucionet financiare në Kosovë.
 

U diskutua për Indeksin e përqendrimit të tregut (HHI), i cili aktualisht është rreth 1,400 pikë, si dhe për përdorimin e cash-it, ku mbi 50% e transaksioneve në Kosovë realizohen nëpërmjet parasë fizike (krahasuar me Bashkimin Evropian rreth 20%).

 Ligjërata u përmbyll me theksimin e rëndësisë së antarësimit të Kosovës në Zonën e Vetme të Pagesave në Euro (SEPA), një hap që do të lehtësojë pagesat ndërkufitare dhe do të rrisë efikasitetin e sistemit financiar.