Kjo ngjarje, e organizuar nga Fakulteti i Ekonomisë dhe Biznesit, Universiteti i Zagrebit dhe Akademia Kroate e Shkencave dhe Arteve, ishte veçanërisht domethënëse pasi shënoi 104 vjetorin e Fakultetit të Ekonomisë dhe Biznesit (FEB). Konferenca mblodhi së bashku studiues për të diskutuar zgjidhje inovative për ndërtimin e sistemeve ekonomike të qëndrueshme dhe gjithëpërfshirëse.

Rineta Hoxha Thaqi, Fitore Kostanica Vatovci dhe Neshat Podvorica prezantuan punët e tyre hulumtuese rreth temave: zhvillimi i qëndrueshëm rural me fokus në fuqizimin e gruasë; diversifikimi i eksporteve si mundësi e përmirësimit të bilancit tregtar; dhe ndikimi i kualitetit institucional në bilancin tregtar.

Ngjarjet si këto rrisin bashkëpunimin ndërkombëtar dhe shkëmbimin e njohurive, njëherit rifreskojnë traditën e bashkëpunimit mes FEB të Zagrebit dhe Fakultetit të Ekonomisë.