Prof. Ass. Dr. Vjosa Fejza Ademi, profesoreshë e departamentit të Marketingut, mori pjesë në Simpoziumin e Nëntë Ndërkombëtar: "9th Business System Laboratory International Symposium - Technology and Society: Boon or Bane?", i organizuar nga BS Laboratory në bashkëpunim me Universitetin "Insubria" në provincën Varese të Italisë. Gjatë këtij evenimenti prestigjioz, Prof. Fejza Ademi prezantoi një punim të realizuar në bashkëautorësi me një nga të diplomuarat e suksesshme të fakultetit tonë, MSc. Anita Mehmeti. Ky sukses vjen si një dëshmi e kontributit të shkëlqyer të fakultetit dhe universitetit tonë në fushën e hulumtimeve dhe arritjeve akademike. Sukseset e profesorëve dhe studentëve tanë pasqyrojnë me krenari angazhimin dhe dedikimin që ky institucion i ka kushtuar cilësisë së arsimit dhe hulumtimeve shkencore.