Në kuadër të 16 ditëve të Aktivizmit kundër Dhunës me Baza Gjinore, studentët e Fakultetit të Ekonomisë ishin pjesë e ligjeratës për shëndetin mendor. Kjo ligjeratë u mbajt nga Prof.Asoc.Kaltrina Kelmendi, Profesoreshë në Fakultetin e Filozofisë-Departamenti i Psikologjisë i Universitetit të Prishtinës, në kuadër të bashkëpunimit me GIZ (The Deutsche Gesellschaft für Internationale Zusammenarbeit (GIZ). 

Ky bashkëpunim është një hap i rëndësishëm për të ngritur vetëdijen rreth çështjeve të shëndetit mendor tek studentët dhe për të ndihmuar në krijimin e një ambienti më mbështetës dhe të ndërgjegjësuar. Gjatë ligjeratës u diskutua mbi rëndësinë e shëndetit mendor dhe ofrimin e këshillave praktike për menaxhimin e stresit dhe mirëqenien psikologjike. Diskutimi ishte shumë frytdhënës dhe i dobishëm për të gjithë studentët.