Sot, në Fakultetin e Ekonomisë, dega e Marketingut, në lëndën 'Hyrje në Biznes' me Prof. Sevdie Alshiqi, pati kënaqësinë të mirëpriste Blenda Lutën, një ndërmarrëse të suksesshme, e cila ndau me studentët rrugëtimin e saj profesional. Ajo shpjegoi fillimet e saj dhe mënyrën se si vazhdon të punojë me brende ndërkombëtare të njohura si Amazon, duke shfrytëzuar këtë përvojë për të ofruar mundësi dhe mbështetje për të tjerët përmes iniciativës së saj të konsultimit dhe mentorimit të vazhdueshëm në NISJA - Freelance Hub & Consulting. Rrugëtimi i Blendës është një përzierje e përvojës si ndërmarrëse e re dhe bashkëpunimit me brende të njohura ndërkombëtare.

Blenda është një shembull i shkëlqyer për studentët tanë – një histori suksesi që inspiroi të rinjtë dhe ofroi shembuj konkretë për ndjekjen e një rrugëtimi të ngjashëm profesional!

Eksperiencat e tilla, që sjellin frymëzim dhe mundësi, janë gjithmonë të mirëpritura në Fakultetin e Ekonomisë.