Fakulteti i Ekonomisë, Departamenti i Kontabilitetit, në bashkëpunim me kompaninë e auditimit Deloitte, organizoi një trajnim praktik për 40 studentë të përzgjedhur të këtij departamenti.

Trajnimi i mbajtur u fokusua në tema kyçe të fushës së kontabilitetit dhe auditimit, përfshirë:

• Rolin e auditorit në praktikë,
• Standardet ndërkombëtare të raportimit financiar (IFRS),
• Etikën profesionale dhe shembuj praktikë nga puna reale në kompani.

Në përfundim të trajnimit, të gjithë pjesëmarrësit morën certifikata pjesëmarrjeje nga Deloitte si dëshmi e angazhimit dhe përkushtimit të tyre profesional.

Fakulteti falënderon kompaninë Deloitte për bashkëpunimin dhe kontributin e çmuar në përgatitjen praktike të studentëve tanë.