Fakulteti i Ekonomisë hap thirrjen për aplikim për bursa për studentë për semestrin veror 2026/2027 për mobilitet në Universitetin e Milanos (Itali), në kuadër të programit Erasmus+.
Studentët do të kenë mundësinë të ndjekin studimet në Department of Economics, Management and Quantitative Methods, University of Milan – https://demm.unimi.it/it, duke përfituar përvojë akademike në një mjedis ndërkombëtar dhe multidisiplinar.
Llojet e mobilitetit përfshijnë:
- Shkëmbimin e studentëve për studime: Bachelor dhe Master
- Kohëzgjatja e mobilitetit: 1 semestër
Nivelet e mobilitetit për studentët:
Bachelor: studentët duhet të jenë të regjistruar në një program studimi në Universitetin e Prishtinës, të ngjashëm me programin në të cilin aplikojnë. Të drejtë aplikimi kanë studentët që kanë përfunduar të paktën vitin e parë me notë mesatare mbi 8.00.
Master: studentët duhet të jenë të regjistruar në një program studimi në Universitetin e Prishtinës, të ngjashëm me programin në të cilin aplikojnë. Të drejtë aplikimi kanë studentët që kanë përfunduar të paktën semestrin e parë me notë mesatare mbi 8.00.
Marrëveshja e mobilitetit parasheh gjithashtu bursa për stafin akademik. Thirrja për stafin hapet me kërkesë të universitetit partner. Për më shumë informacione, ju lutemi vizitoni: https://www.unimi.it/en
Dokumentet e nevojshme për aplikim (BA dhe MA):
- CV (në gjuhën angleze, modeli Europass)
- Certifikata e notave/transkripta
- Kopje e pasaportës ose letërnjoftimit
- Letër motivimi (në gjuhën angleze)
- Vërtetim nga fakulteti (jo më i vjetër se 15 ditë)
- Certifikatë e gjuhës angleze (minimum niveli B2)
Për të aplikuar në këtë thirrje luteni që dokumentet e kërkuara, si një fajll i vetëm pdf, t’i dërgoni në emailin: [email protected], më së largu deri më 15 Maj 2026.
Vetëm aplikimet e kompletuara do të merren në konsideratë.
Për më shumë informacion mbi bursat mund të kontaktoni prodekanën Vlora Prenaj në: [email protected].
Fakulteti i Ekonomisë ju uron suksese në aplikim tuaj!